## transcribed by Mike Magee## yoginiihR^idayam.h shriidevyuvaacha devadeva mahaadeva paripuurNaprathaamaya . vaamakeshvaratantre.asminnaj~naatarthaastvanekashaH..1.. taa.mstaanarthaanasheSheNa vaktumarhasi bhairava . shriibhairava uvaacha shR^iNu devi mahaaguhya.m yoginihR^idaya.m param.h..2 .. tvatpriityaa kathayaamyadya gopaniiya.m visheShataH . karNaatkarNorpadeshena sampraaptamavaniitalam.h..3 .. na deya.m parashiShyebhyo naastikebhyo na cheshvari . na shushruuShaalasaanaa~ncha naivaanarthapradaayinaam.h..4 .. pariixitaaya daatavya.m vatsaraardhoShitaaya cha . etajj~naatvaa vararohe sadyaH khecharataa.m vrajet.h..5 .. chakrasa~Nketako mantrapuujaasa~Nketakau tathaa . trividhastripuraadevyaaH sa~NketaH parameshvari..6 .. yaavadetanna jaanaati sa~Nketatrayamuttamam.h . na taavatripuraachakre paramaaj~naadharo bhavet.h..7 .. tachChaktipa~nchaka.m sR^iSTyaa layenaagnichatuShTayam.h . pa~nchashaktichaturvahnisa.myogaachchakrasambhavaH..8 .. etachchakraavataarantu kathayaami tavaanaghe . yadaa saa paramaa shaktiH svechChayaa vishvaruupiNii..9 .. sphurattaamaatmanaH pashyettadaa chakrasya sambhavaH . shuunyaakaaraadvisargaantaad.h bindoH praspandasa.mvidaH..10 .. prakaashaparamaarthatvaat.h sphurattaalahariiyutaat.h . prasR^ita.m vishvalahariisthaana.m maatR^itrayaatmakam.h..11 .. baindava.m chakrametasya triruupatva.m punarbhavet.h . dharmaadharmau tathaatmaano maatR^imeyau tathaa pramaa..12 .. navayonyaatmaka.m chakra.m chidaanandaghana.m mahat.h . chakra.m navaatmakamida.m navadhaa bhinnamantrakam.h..13 .. baindavaasanasa.mruuDhasa.mvartaanalachitkalam.h . ambikaaruupamevedamaShTaarastha.m svaraavR^itam.h..14 .. navatrikoNasphuritaprabhaaruupadashaarakam.h . shaktyaadinavaparyantadashaarNasphuurtikaarakam.h..15 .. bhuutatanmaatradashakaprakaashaalambanatvataH . dvidashaarasphuradruupa.m krodhiishaadidashaarakam.h..16 .. chatushchakraprabhaaruupasa.myuktapariNaamataH . chaturdashaararuupeNa sa.mvittikaraNaatmanaa..17 .. khecharyaadijayaantaarNaparamaarthaprathaamayam.h . eva.m shaktyanalaakaarasphuradraudriiprabhaamayam.h..18 .. jyeShTaaruupachatuShkoNaM vaamaaruupabhramitrayam.h . chidaMshaantastrikoNaM cha shaantyatitaaShTakoNakaM..19 .. shaantyaMshadvidashaara~ncha tathaiva bhuvanaarakam.h . vidyaakalaapramaaruupadalaaShTakasamaavR^itam.h..20 .. pratiShTaavapuShaa sR^iSTasphuraddvyaShTadalaambujam.h . nivR^ittyaakaaravilasachchatusShkoNaviraajitam.h..21 .. trailokyamohanaadye tu navachakre sureshvari . naado binduH kalaa jyeShTaa raudrII vaamaa tathaa punaH..22 .. viShaghnII duutarii chaiva sarvaanandaa kramaat.h sthitaaH . niraMshau naadabinduu cha kalaa chechChaasvaruupakam.h..23 .. jyeShTaa j~naanaM kriyaa sheShamityevaM tritayaatmakam.h . chakraM kaamakalaaruupaM prasaarapara,maarthataH..24 .. akule viShusaMj~ne cha shakte vahnau tathaa punaH . naabhaavanaahate shuddhe lambikaagre bhruvo.antare..25 .. bindau tadardhe rodhinyaaM naade naadaanta eva cha . shaktau punarvyaapikaayaaM samanonmani gochare..26 .. mahaabindau punashchaiva tridhaa chakraM tu bhaavayet.h . aaj~naantaM sakalaM proktaM tataH sakalaniShkalam.h..27 .. unmanyantaM pare sthaane niShkala~ncha tridhaa sthitam.h . diipaakaaro.ardhamaatrashcha lalaaTe vR^itt iShyate..28 .. ardhachandrastathaakaaraH paadamaatrastaduurdhvake . jyotsnaakaaraa tadaShTaaMshaa rodhinii tryasravigrahaa..29 .. bindudvayaantare daNDaH shevaruupo maNiprabhaH . kalaaMsho dviguNaaMshashcha naadaanto vidyudujjvalaH..30 .. halaakaarastu savyasthabinduyukto viraajate . shaktirvaamasthabindudyatsthiraakaaraa tathaa punaH..31 .. vyaapikaa binduvilasattrikoNaakaarataaM gataa . bindudvayaantaraalasthaa R^ijurekhaamayii punaH..32 .. samanaa binduvilasadR^ijurekhaa tathonmanaa . shaktyaadiinaaM vapuH sphuurjaddvaadashaadityasannibham.h..33 .. chatuHShaShTistaduurdhvaM tu dviguNaM diguNaM tataH . shaktyaadiinaaM tu maatraaMsho manonmanyaastathonmanii..34 .. daishakaalaanavachChinnaM taduurdhve paramaM mahat.h . nisargasundaraM tattu paraanandavighuurNitam.h..35 .. aatmanah sphuraNaM pashyedyadaa saa paramaa kalaa . ambikaaruupamaapanna paraa vaak.h sasudiiritaa..36 .. biijabhaavasthitaM vishvaM sphuTiikartuM yadonmukhii .. vaamaa vishvasya vamanaada~NkushaakaarataaM gataa..37 .. ichChaashaktistadaa seyaM pashyantii vapuShaa sthitaa . j~naanashaktistathaa jyeShTaa madhyamaa vaagudiiritaa..38 .. R^ijurekhaamayii vishvasthitaui prathitavigrahaa . tatsaMhR^itidashaayaaM tu baindavaM ruupamaasthitaa..39 .. pratyaavR^ittikrameNaivaM shR^i~NgaTavapurujjvalaa . kriyaashaktistu raudriiyaM vaikharii vishvavigrahaa..40 .. bhaasanaadvishvaruupasya svaruupe baahyato.api cha . etaashchatastraH shaktyastu kaa puu jaa o iti kramaat.h..41 .. piiThaaaH kande pade ruupe ruupaatiite kramaat.h sthitaaH . caturastraM tatha binduShaTkayuktaM cha vR^ittakam.h..42 .. ardhachandraM trikoNaM cha ruupaaNyeShaaM krameNa tu . piito dhuumrastathaa shveto rakto ruupaM cha kiirtitam.h..43 .. svayambhurbaaNali~NgaM cha itaraM cha paraM punaH . piiTheShvetaani li~Ngaani saMsthitaani varaanane..44 .. hemabandhR^ikakusumasharachchandranibhaani tu . svaavR^itaM trikuuTaM cha mahaali~NgaM svayambhuvam.h..45 .. kaaditaantaa xaropetaM baaNali~NgaM trikoNakam.h . kadambagolakaakaaraM thaadisaantaaxaraavR^itam.h..46 .. suukshmaruupaM samastaarNavR^itaM paramali~Ngakam.h . binduruupaM paraanandakandaM nityapaoditam.h..47 biiatritayayuktaasya sakasya manoH punaH . etaani vaachyaruupaaNi kulakaulamayaani tu..48 .. jaagratsvapnasuSuptyaakhyaturyaruupaaNyamuuni tu . atitaM tu paraM tejaH svasaMvidudayaatmakam.h..49 .. svechChaavishvamayollekhakhachitaM vishvaruupakam.h . chaitanyamaatmano ruupaM nisargaanandasundaram.h..50 .. meyamaatR^ipramaamaanaprasaraiH saMkuchatprabham.h . shR^i~NgaaTaruupamaapannamichChaaj~naanakriyaatmakam.h..51 .. vishvaakaaraprathaadhaaranijaruupashivaashrayam.h . kaameshvaraa~Nkaparya~NkaniviShTamatisundaram.h..52 .. ichChaashaktimayaM paashama~NkushaM j~nanaruupiNam.h . kriyaashaktimaye baaNadhanuShii dadhadujjvalam.h..53 .. aashrayaashrayibhedena aShTadhaa bhinnahetimat.h . aShTaarachakrasaMruuDhaM navachakraasanasthitam.h..54 .. evaMruupaM paraM tejaH shriichakravapuShaa sthitam.h . tadiiyashaktinikarasphuraduurmisamaavR^itam.h..55 .. chidaatmabhittau vishvasya prakaashaamarshane yadaa . karoti svechChayaa puurNavichikiirShaasamanvitaaa..56 .. kriyaashaktistu vishvasya modanaad.h draavaNaattathaa . mudraakhyaa saa yadaa saMvidambikaa trikalaamayii..57 .. trikhaNDaaruupamaapannaa sadaa sannidhikaariNii . sarvasya chakraraajasya vyaapikaa parikiirtita..58 .. yonipraachuryataH saiShaa sarvasaMkshobhikaa punaH . vaamaashaktipradhaaneyaM dvaarachakre sthitaa bhavet.h..59 .. kshubdhaavishvasthitatirkarii jyeShTaapraachuryamaashritaa . sthuulanaadakalaaruupaa sarvaanugrahakaariNii..60 .. sarvaashapuuraNaakhye tu saiShaa sphuritavigrahaa . jyeShTaavaamaasamantvena sR^iShTeH praadhaanyamaashritaa..61 .. aakarShiNii tu mudreyaM sarvasaMkshobhiNii smR^itaa . vyomadvayaantaraalasthabinduruupaa maheshvari..62 .. shivashaktyaatmasaMshleShaaddivyaakeshakarii smR^itaa. chaturdashaarachakrasthaa saMvidaanandavigrahaa..63 .. bindvantaraalavilasatsuukshma rekhaashikhaamayii . jyeShTaashaktipradhaanaa tu sarvonmaadanakaariNii..64 .. dashaarachakramaasthaaya saMsthitaa viiravandite . vaamaashaktipradhaanaa tu mahaa~Nkushamayii punaH..65 .. tadvadvishvaM vamantii saa divtiiye tu dashaarake . saMsthitaa modanaparaa mudraaruupatvamaasthitaa..66 .. dharmaadharmasya saMghaTTaadutthitaa vittiiruupiNii . vikalpotthakriyaaloparuupadoShavidhaatinii..67 .. vikalparuuparogaaNaaM haariNii khecharii paraa . sarvarogaharaakhye tu chakre saMvinmayii sthitaa..68 .. shivashaktisamaashleShasphuradvyomaantare punaH . prakaashayati vishvaM saa suukshmaruupasthita sadaa..69 .. biijaruupaa mahaamudraa sarvasiddhimaye sthitaa . sampuurNasya prakaashasya laabhabhuumiriyaM punaH..70 .. yonimudraa kalaaruupaa sarvaanandamaye sthitaa . kriyaa chaitanyaruupatvaadevaM chakramayaM sthitam.h..71 .. ichChaaruupaM paraM tejaaH sarvadaa bhaavayed.h budhaH . tridhaa cha navadhaa chaiva chakrasa~NketakaH punaH..72 .. vahninaikena shaktibhyaaM dvaabhyaaM chaiko.apraH punaH . taishcha vahnitrayeNaapi shaktiinaaM tritayena cha..73 .. padmadvayena chaanyaH syaad bhuugR^ihatritayena cha . pa~nchashakti chaturvahnipadmadvayamahiitrayam.h..74 .. paripuurNaM mahachakraM tatprakaaraH pradarshyate . tatraadyaM navayoni syaat.h tena dvidashaasaMyutam.h..75 .. manuyoni paraM vidyaat.h tR^itiiyaM tadanantaram.h . aShTadvyaShTadalopetaM chaturasratrayaanvitam.h..76 .. chakrasya triprakaaratvaM kathitaM parameshvari . sR^iShTiHsyaannavayonyaadipR^ithvyantaM saMhR^iti punaH..77 .. pR^ithvyaadinavayonyantamiti shaastrasya nirNayaH . etatsamaShTiruupaM tu tripuraachakramuchyate..78 .. yasya vij~naanamaatreNa tripuraaj~naanavaan.h bhavet.h . chakrasya navadhaatvaM cha kathayaami tava priye..79 .. aadimaM bhuutrayeNa syaad dvitIyaM ShoDashaarakam.h . anyadaShTadalaM proktaM manukoNamanantaram.h..80 .. pa~nchamaM dashakoNaM syaat.h ShaShTaM chaapi dashaarakam.h .. saptamaM vasukoNaM syaanmadhyatryasramathaaShTamam.h..81 .. navamaM tryasramadhyaM syaat.h teShaaM naamaanyataH shR^iNu . trailokyamohanaM chakraM sarvaashaaparipuurakam.h..82 .. sarvasaMkshobhaNaM gauri sarvaasaubhaagyadaayakam.h . sarvaarthasaadhakaM chakraM sarvarakshaakaraM param.h..83 .. sarvarogaharaM devi sarvasiddhimayaM tathaa . sarvaanandamayaM chaapi navamaM shR^iNu sundari..84 .. atra pujyaa mahaadevii mahaatripurasundarii . paripuurNaM mahaachakramajaraamarakaarakam.h..85 .. etameva mahaachakrasa~NketaH parameshvari . kathitastripuraadevyaa jiivanmuktipravartakaH..86 .. atha dvitiiyaH paTalaH mantrasa~NketaM divyamadhunaa kathyaami te . yadvettaa tripuraakaaro virachakreshvaro bhavet.h..1 .. karashuddhikaro tvaadyaaa dvitiiyaa chaatmarakshikaa . aatmaasanagataa devii tR^itiiyaa tadanantaram.h..2 .. chakraasanagataa pashchaat.h sarvamantraasanasthitaa . saadhyasiddhaasanaa ShShTaa maayaalakshmiimayii paraa..3 .. muurtividyaa cha saa devii saptamo parikiirtitaa . aShTamyaavaahinii vidyaa navamaa bhairavii paraa..4 .. muulavidyaa tathaa khyaataa trailokyavashakaariNii . evaM navaprakaaraastu puujaakaale prayatnataH..5 .. etaaH krameNa nyastavyaaH saadhakena kuleshvari . paadaagraja~Nghaajaanuurugudali~NgaagrakeShu cha..6 .. aadhare vinyasanmuurti tasyaamaavaahiniiM nyaset.h . muulena vyaapakanyaasaH kartavyaH paremshvari..7 .. akulaadiShu puurboktasthaaneShu parichintayet.h . chakreshvarisamaayuktaM navachakraM puroditam.h..8 .. taasaaM naamaani vakshyaami yathaanukramayogataH . tatraadyaa tripuraa devii dvitiiyaa tripureshvarii..9 .. tR^itiiyaa cha tathaa proktaa devii tripurasundarii . chaturthii cha mahaadevii devii tripuravaasinii..10 .. pa~nchamii tripuraa shriiH syaat.h ShaShTii tripuramaalinii . saptamii tripuraa siddhiraShTamii tripuraambikaa..11 .. navamii tu maahadevii mahaatripurasundarii . puujayechcha kramaadetaa navachakre purodite..12 .. evaM navaprakaaraadyaa pujaakale tu paarvati . ekaakaaraa hyaadyashaktirajaraamarakaariNii..13 .. mantrasa~Nketakastasyaa naanaakaaro vyavasthitaH . naanaamantrakarmeNaiva paaramparyeNa labhyate..14 .. ShaDavidhastaM tu deveshi kathayaami tavaanadhe . bhaavaarthaH sampradaayaartho nigamaarthashcha kaulikaH..15 .. tathaa sarvarahasyaartho mahaatattvaartha eva cha . aksharaartho hi bhaavaarthaH kevalaH parameshvari..16 .. yoginiibhistathaa virairviirendraaiH sarvadaa priye . shivashaktisamaayogaa~jjanito mantraraajakaH..17 .. tanmayiiM paramaanandananditaaM spandaruupiNiim.h . nisargasundariiM deviiM j~naatvaa svairamupaasate..18 .. shivashaktyaatmasaMghaTTaruupe brhmaaNi shaashvate . tatprathaaprasaraashleShabhuvi tvaindropalakshite..19 .. j~naatR^ij~naanamayaakaarasananaanmantraruupiNii . teShaaM samaShTiruupeNa paraashaktistu maatR^ikaa..20 .. madhyabinduvisargaantaH samaasthaanamaye pare . kuTilaaruupake tasyaaH pratiruupe viyatkale..21 .. madhyapraaNaprathaaruupapaspandavyomni sthita punaH . madhyame mantrapiNDe tu tR^itiiye piNDake punaH..22 .. raahukuuTaadvayasphuurjachchalattaasaMsthitasya tu . dharmaadharmasya vaachyasya viShaamR^itamayasya cha..23 .. vaachakraaksharasaMyogaat.h kathitaa vishvaruupiNii . teShaaM samaShTiruupeNa paraashaktiM tu maatR^ikaam.h..24 .. kuuTatrayaatmikaaM deviiM samaShTivyaShTiruupiNim.h . aadyaaM shaktiM bhaavayanto bhaavaarthamiti manvate..25 .. sampradaayo mahaabodharuupo gurumukhe sthitaH . vishvaakaaraprathaayaastu mahattva~ncha yadaashrayam.h..26 .. shivashaktyaadyayaa muulavidyayaa parameshvari . jagatkR^itsnaM tayaa vyaaptaM shR^iNuShvaavahitaa priye..27 .. pa~nchabhuutamayaM vishvaM tanmayii saa sadaanaghe . tanmayii muulavidyaa cha tadadya kathayaammi te..28 .. hakaaraad.h vyoma sambhuutaM kakaaraattu prabha~njanah . rephaadagniH sakaaraachcha jalatattvasya sambhavaH..29 .. lakaaraat,h pR^ithivii jaataa tasmaad vishvamayii cha saa . guNaaHpa~nchadasha proktaa bhuutaanaM tanmayii shivaa..30 .. yasya yasya padaarthasya saa yaa shaktirudiiritaa . saa saa sarveshvarii devii sa sa sarvo maheshvaraH..31 .. vyaaptaa pa~nchadashaarNaH saa vidyaa bhuutaguNaatmikaaH . pa~nchabhishcha tathaa ShaD bhishchaturbhirapi chaaksharaH ..32 .. svaravya~njanabhedena saptatriMshatprabhedenii . saptatriMshatprabhedena ShaT triMshatattvaruupiNii..33 .. tattvaatiitasvabhaavaa cha vidyaiShaM bhaavyate sadaa . pR^ithivyaadiShu bhuuteShu vyaapakaM chottarottaram.h..34 .. bhuutaM tvadhastanaM vyaapyaM tad guNaa vyaapakaashrayaaH . vyaapyeShvavasthitaa devi sthuulasuukshmavibhedataH..35 .. tasmaadvyomaguNaH shabdo vaayvaadiin.h vyaapya saMsthitaH . vyomabihaistu vidyaasthairlakshayechChabdapa~nchakam..36 .. teShaaM kaaruNaruupeNa sthita dhvanimayaM param.h . bhaved.h guNavataaM biijaM guNaanaamapi vaachakam.h..37 .. kaaryakaaraNabhaavena tayoraikya vivakshayaa . mahaamaayaaatrayeNaapi kaaraNena cha bindunaa..38 .. vaayvaagnijalabhuumiinaaM sparshaanaaM cha chatuShTayam.h . utpannaM bhaavayed.h devi sthuulasuukshmavibhedataH..39 .. ruupaaNaaM tritayaM tadvat.h tribhii rephairvibhaavitam.h . pradhaanaM tejaso ruupaM tad biijena hi janyate.. 40.. vidyaasthaishchandrabiijaistu sthuulasuukshmo rasaH smR^itaH . sambandho vidito loke rasasyaapyamR^itasya cha.. 41.. vasu dhaayaa guNo gandhastallipirgandhavaachikaa . bhuvanatrayasambhandhaat.h tridhaatvaM tu maheshvari.. 42.. ashuddhashuddhamishraaNaaM pramaatR^INaaM paraM vapuH . krodhiishatritaye naatha vidyaasthena prakaashyate.. 43.. shriikaNThadashakaM tadvada vyaktasyaapi vaachakaH . praaNaruupasthito devi tadvadekaadashaH paraH.. 44.. ekaH sanneva puruSho bahudhaa kaayate hi saH . rudreshvarasadeshaakhyaa devataa mitavigrahaaH.. 45.. bindutrayeNa kathitaa amitaamitavigrahaaH . shaantiH shaktishcha shambhushcha naadatritayabodhanaaH.. 46.. vaaguraamuulavalaye suutraadyaaH kavaliikR^itaaH . tathaa mantraaH samastaashcha vidyaayaamatra saMsthitaaH.. 47.. gurukrameNa saMpraaptaH saMpradaayaartha iiritaH . nigarbhaartho mahadevi shivagurvaatmagocharaH.. 48.. shivagurvaatmanaamaikyaanusaMdhaanaattadaatmakam.h.. 49.. niShkalatvaM shive budhvaa tadruupatvaM gurorapi . tanniriikshaNasaamarthyaadaatmanashcha shivaatmataam.h.. 50.. bhaavayedabhaktinamraH sa~NkochonmeShaakala~NkitaH . kaulikaM kathayiShyaami chakradevatayorapi.. 51.. vidyaagurvaatmanaamaikyaM tatprakaaraH pradarshyate . lakaaraishchaturasraaNi vR^ittatritayasaMyutam.h.. 52.. saroruhadvayaM shaktairagniiShomaatmakaM priye. hR^illekhaatrayasaMbhuutairaksharairnavasa~NkhyakaiH.. 53.. bindutrayayutairjaataM navayonyaatmakaM priye. maNDalatrayayuktaM tu chakraM shaktyanalaatmakam.h.. 54.. vyomabiijatrayeNaiva pramaatR^itrityaanvitam.h. ichChaaj~naanakriyaaruupamaadanatrayasaMyutam.h.. 55.. sadaashivaasanaM devi mahaabindumayaM param.h. itthaM mantraatmakaM chakraM devataayaaH paraM vapuH.. 56.. ekaadashaadhikashatadevataatmatayaa punaH . gaNeshatvaM mahaadevyaaH sasomaravipaavakaiH.. 57.. ichChaaj~naanakriyaabhishcha guNatrayayutaih punaH. graharuupaa cha saa devii j~naanakarmendriyairapi.. 58.. tadarthaireva deveshi karaNairaantaraiH punaH. prakR^ityaa cha guNenaapi puMstvabandhena chaatmanaa.. 59.. nakshatravigrahaa jaataa yoginiitvamathochyate. tvagaadidhaatunaathaabhirDaakinyaadibhirapyasau.. 60.. vargaaShTakaniviShTaabhiryoginiibhishcha saMyutaa. yoginiiruupamaasthaaya raajate vishvavigraa.. 61.. praaNaapaanau samaanashchodanavyaanau tathaa punaH. naagaH kuurmo.atha kR^ikaro devadatto dhana~njayaH.. 62.. jiivaatmaa parmaatmaa chaityetai raashisvaruupiNii. akathaaditripa~Nktyaatmaa taartiyaadikrameNa saa.. 63.. gaNesho.abhuunmahaavidyaa paraavaagaadivaa~Nmayii. biijabindudhvaniinaaM cha trikuuTeShu grahaatmikaa.. 64.. hR^illekhaatrayasaMbhuutaistithisaMkhyaistathaaksharaiH. anyairdvaadashabhirvarNaireShaa nakshatraruupiNii.. 65.. vidyaanantarbhuutashaktyaadyaiH shaaktaiH ShaD bhistathaaksharaiH. yoginiitvaM cha vidyaaya raashitvaM caantyavarjitaiH.. 66.. evaM vishvaprakaaraa cha chakra ruupaa maheshvarii. devyaa dehe yathaa prokto gurudehe tathaiva hi.. 67.. tatprasaadaachcha shiShyo.api tadruupaH saMprajaayate. ityevaM kaulikaarthastu kathito viravandite.. 68.. tathaa sarvarahsyaarthaM kathayaami tavaanaghe. muulaadhaare taDidruupe vaagbhavaakaarataaM gate.. 69.. aShTaatriMshatkalaayuktapa~nchaashadvarNavigrahaa. vidyaa kuNDaliniiruupaa maNdalatrayabhedinii.. 70.. taDitkoTinibhaprakhyaa bisatantunibhaakR^itiH. vyomendumaNDalaasaktaa sudhaastrotaHsvaruupiNii.. 71.. sadaa vyaaptajagat.h kR^itsnaa sadaanandasvaruupiNii. eShaa svaatmeti buddhistu rahasyaartho maheshvari.. 72.. mahaatattvaarthaM iti yattacha devi vadaami te. niShkale prame suukshme nirlakshye bhaavavarjite.. 73.. vyomaatiite pare tattve prakaashaanandavigrahe. vishvottirNe vishvamaye tattve svaatmaniyojanam.h.. 74.. tadaa prakaashamaanatvaM tejasaaM tamasaamapi. avinaabhaavaruupatvaM tasmaadvishvasya sarvataH.. 75.. prakaashate mahaatattvaM divyakriiDaarasojjvale. nirastasarvasaMkalpavikalpasthitipuurvakaH.. 76.. rahasyaartho mayaa guptaH sadyaH pratyayakaarakaH. mahaaj~naanaarNave dR^iShTaH sha~Nkaa tatra na paarvati.. 77.. vidyaapiiThanibaddheShu saMsthito divyasiddhidaH. kaulaachaaraparairdevi paadukaabhaavanaaparaiH.. 78.. yoginiimelanodyuktaiH praaptavidyaabhiShechanaiH. sha~Nkaakala~NkavigataiH sadaa muditamaanasaiH.. 79.. paaramparyeNa vij~naatarahasyaarthavishaaradaiH. labhyate naanyatha devi tvaaM shapekulasundari.. 80.. paaramparyavihiinaa ye j~naanamaatreNa garvitaaH. teShaaM samayalopena vikurvanti mariichayaH.. 81.. yastu divyarasaasvaadamodamaanavimarshanaH. deataatithinakshatre vaare.api cha vivasvataH.. 82.. mariichiin.h priiNayatyeva madiraanandaghuurNitaH. sarvadaa cha visheShaNa labhate puurNabodhataam.h.. 83.. evaMvhaavastu deveshi deshikendraprasaadataH. mahaaj~naanamayo devi sadyaH sampraapyate naraiH.. 84.. evametatpradaM j~naanaM vidyaarNaagamagocharam.h. devi guhyapriyeNaiva vyaakhyaataM durgi ShaD vidham.h. sadyo yasya prabodhena viirachakreshvaro bhavet.h.. 85.. atha tR^itaayaH paTalaH puujaasa~Nketamadhunaa kathayaami tavaanaghe. yasya prabodhamaatreNa jivanmuktaH pramodate.. 1.. tava nityoditaa puujaa tribhirbhedairvyavasthitaa. paraa chaapyapara gauri tR^itiiyaa cha paraaparaa.. 2.. prathamaadvaitabhaavasthaa sarvaprasaragocharaa. dvitiiyaa chakrapuujaa cha sadaa niShpaadyate mayaa.. 3.. evaM j~naanamaye devi tR^itiiyaa tu paraaparaa. uttamaa saa paraa j~neyaa vidhaanaM shR^iNu saampratam.h.. 4.. mahaapadmavanaantasthe vaagbhave gurupaadukaam.h. aapyaayitajagad.hruupaaM parmaamR^itavarShiNiim.h.. 5.. sa~nchintya paramaadvaitabhaavanaamR^itaghuurNitaH. daharaantarasaMsarpannaadaalokanatatparaH.. 6.. vikalparuupasaMjalpavimukho.antarmukhaH sadaa. chitkalollaasadalitasaMkochastvatisundaraH. indriyapriiNanadravyaiviM hitasvaatmapuujanaH.. 7.. nyaasaM nirvartayedehe ShoDhaanyaasapuraHsaram.h. gaNeshaiH prathamo nyaaso dvitiitastu grahairmataH.. 8.. nakShatraishcha tR^itiiyaH syaadyoginiibhishchaturthakaH. raashibhiH pa~nchamo nyaasaH ShaShThaH piiThairnigadyate.. 9.. ShoDhaanyaasastvayaM proktaH sarvatraivaaparaajitaH. evaM yo nyastagaatrastu sa puujyaH sarvayogibhiH.. 10.. naastyasya puujyo lokeShu pitR^imaatR^imukho janaH. sa eva puujyaH sarveShaaM sa svayaM parameshvaraH.. 11.. ShoDhaanyaasavihiinaM yaM praNamedeSha paarvati. so.achiraanmR^ityumaapnoti narakaM cha prapadyate.. 12.. ShoDhaanyaasaprakaaraM cha kathayaami tavaanaghe. vighnesho vighnaraajashcha vinaayakashivottamau.. 13.. vighnakR^idvighnahartaa cha gaNaraaT gaNanaayakaH. ekadanto dvidantashcha gajavaktro nira~njanaH.. 14.. kapardavaan.h diirghamukhaH sha~NkukarNo vR^iShadhvajaH. gaNanaatho gajendrashcha shurpakarNastrilochanaH.. 15.. lambodaro mahaanaadashchaturmuurtiH sadaashivaH. aamodo durmukhashchaiva sumukhashcha pramodakaH.. 16.. ekapaado dvijihvashcha shuuro viirashcha ShaNmukhaH. varado vaamadevashcha vakratuNDo dviraNDakaH.. 17.. senaaniirgraamaNiirmatto vimatto mattavaahanaH. jaTii muNDii tathaa khaDgii vareNyo vR^iShaketanaH.. 18.. bhakshyapriyo gaNeshashcha meghanaado gaNeshvaraH. taruNaaruNasa~Nkaashaan.h gajavaktraan.h trilochanaan.h.. 19.. paashaa~Nkushavaraabhiitihastaan.h shaktisamanvitaan.h. etaaMstu vinyasedehe maatR^ikaanyaasavatpriye.. 20.. svaraistu sahitaM suuryaM hR^idayaathaH pravinyaset.h. bindusthaane sudhaasuutiM yaadivarNacatuShTayaiH.. 21.. bhuuputraM lochanadvandva kavargaadhipatiM priye. hR^idaye vinyasechChukraM chavargaadhipatiM punaH.. 22.. hR^idayopari vinyaseTTavargaadhipatiM budham.h. bR^ihaspatiM kaNThadeshe tavargaadhipatiM priye.. 23.. naabhau shanaishcharaM devi pavargeshaM sureshvari. vaktreshaadichaturvarNaiH sahitaM raahumeva cha.. 24.. kshakaarasahitaM ketuM paayo deveshi vinyaset.h. ##(## raktaM shvetaM tathaa raktaM shyaamaM piitaM cha paaNDuram.h. kR^iShNaM dhuumraM dhuumradhuumraM bhaavayedravipurvakaan.h.. kaamaruupadharaaan.h devi divyaambaravibhuuShaNaan.h. vaamorunyastahastaaMshcha dakshahastavarapradaan.h..##)## lalaaTe dakshanetre cha vaame karNadvaye punaH.. 25.. puTayonirnaasikaayaashcha kaNThe skandhadvaye punaH. pashchaatkuurparayugme cha maNibandhadvaye punaH.. 26.. stanayornaabhideshe cha kaTibandhe tataH param.h. uuruyugme tathaa jaanvorja~Nghayoshcha padadvaye.. 27.. ##[## aadyayugmantathaa chaikaM tastriiNi catuShTayam.h. ekamekaM dvaya~ncheti svaraaH proktaashcaturdasha.. 28.. vya~njaneShvekamubhayaM dvayaM nyasyedataH param.h. ekaM yugmaM dvayandvandvamekaM yugmaM dvayantataH.. 29.. ekaM trayaM tathaa chaikaM ekamekaM dvayantathaa. ekaM dvayaM trayaM pashchaallakshaM aM mashchatuShTayam.h.. 30.. ashivnyaadeH puro bhage datvaa chakramato nyaset.h ##]## jvalatkaalaanalaprakhyaa varadaabhayapaaNayaH.. 31.. natipaaNyo.ashviniipuurvaaH sarvaabharaNabhuuShitaaH. etaastu vinyaseddevi sthaaneShveShu suraarchite.. 32.. vishuddhau hR^idaye naabhau svaadhiShTaane cha muulake. aaGYaayaaM dhaatunaathaashcha nyastavyaa DaadidevataaH.. 33.. amR^itaadiyutaaH samya~Nnyastavyaashcha sureshvari. paade li~Nge cha kukshau cha hR^idaye baahumuulayoH.. 34.. dakshiNaM paadamaarabhya vaamapaadaavasaanakam.h. meShaadiraashayo varNairnyastavyaaH saha paarvati.. 35.. ##(## chatuShkaM tritayaM triiNi dvitayaM dvitayaM dvayam.h. pa~nchakaM pa~nchakaM pa~ncha pa~nchaktaM pa~nchakaM tataH.. catvaari merurmine syuH kanyaayaaM pa~ncha shaadayaH. ##)## piThaani vinyaseddevi maatR^ikaasthaaanake punaH. teShaaM naamaani vakshyante shR^iNuShvaavahitaa priye.. 36.. kaamaruupaM vaaraaNasii nepaalaM pauNDravardhanam.h. charasthiraM kaanyakubjaM puurNashailaM tathaarbudam.h.. 37.. aamraatakeshvaraikaamraM trisrotaH kaamakoTakam.h. kailaasaM bhR^igunagaraM kedaarapuurNachandrake.. 38.. shriipiiThamo~NkaarapiiThaM jaalandhraM maalavotkale. kulaantaM devikoTaM cha gokarNaM maaruteshvaram.h.. 39.. aTTahaasaM cha virajaM raajagehaM mahaapatham.h. kolaapura melaapuraM o~Nkaarantu jayantikaa.. 40.. ujjayinyaapi chitraa cha kshiirakaM hastinaapuraM. oDDiishaM cha prayaagaakhyaM ShaShThaM maayaapuraM tathaa.. 41.. jaleshaM malayaM shailaM meruM girivaraM tathaa. mahendraM vaamanaM chaiva hiraNyapurameva chaa.. 42.. mahaalakshmiipuroDyaaNaM ChaayaaChatramataH param.h. ete piiThaaH samuddiShTaa maatR^ikaaruupakaaH sthitaaH.. 43.. evaM ShoDhaa puraH kR^itvaa shriichakranyaasamaacharet.h. shriimattripurasundaryaashchakranyaasaM shR^iNu priye.. 44.. yanna kasyachidaakhyaataM tanushuddhikaraM param.h. chaturastraadyarekhaayai nama ityaadito nyaset.h.. 45.. dakshaaMsapR^iShThapaaNyagrasphikkapaadaa~NguliiShvatha. vaamaa~Nghrya~NguliShusphikke paaNyagre chaaMsapR^iShThake.. 46.. sachuuliimuulapR^iShTheShu vyaapakatvena sundari. atraiva sthaanadashake aNimaadyaastu vinyaset.h.. 47.. siddhistadantashcha tanuvyaapakatvena sundari. ##( ## chaturasramadhyarekhaayai nama ityapi vallabhe. ##)## tasyaaH sthaaneShu vinyasya brahmaaNyaadyaastadaaShTasu.. 48.. paadaa~NguShThadvaye paarshve dakshe muurdhanyapaarshvake. vaamadakshiNajaanvoshcha bahiraMsadvaye tathaa.. 49.. nyastavyaashchaturasraantyarekhaayai nama ityapi. vinyased.h vyaapakatvena puurvoktaantashcha vigrahe.. 50.. tasyaaH sthaaneShu dashasu mudraaNaaM dashakaM nyaset.h. brahmaaNyaadyaShTasthaanaantastaasaamaShTau nyasettataH.. 51.. shiShTe dve dvaadashaante cha paadaa~NguShThe cha vinyaset.h. tadaantaH ShoDashadalapadmaaya nama ityapi.. 52.. vinyasya taddale kaamaakarShiNyaadyaashcha vinyaset.h. dalaani dakshinashrotrapR^iShThamaMsaM cha kuurparam.h.. 53.. karapR^iShThaM chorujaanugulphapaaadatalaM tathaa. vaamapaaadatalaadyevametadevaaShTakaM matam.h.. 54.. tadantare chaaShTadalapadmaaya nama ityapi. vinyasya taddaleShveShu dakshasha~Nkhe cha jatruke.. 55.. uurvantargulphagulphorujatrusha~Nkhe cha vamataH. ana~Ngakusumaadyaashcha shaktiiraShTau cha vinyaset.. 56 tadanatashcaturdashaarachakraaya nama ityapi. vinyasya tasya koNeShu nyasechChaktiishchaturdasha.. 57.. sarvasa~NkshobhiNyaadyaastu tasya koNaani vachmyaham.h. lalaaTaM dakshabhaagaM cha dakshagaNDaaMsamadhyataH.. 58.. paarshvaantaruuruka~Nghaantarvaamaja~Nghaadi paarvati. vaamorvantaM vaamapaarshvaM vaamaaMsaM vaamagaNDakam.h.. 59.. lalaaTavaamamadhye cha tathaa vai pR^iShThamityapi. tato dashaarachakraaya nama ityapi paarvati.. 60.. tasya koNaani dakshaakshinaasaamuulaa.a.asyanetrake. kukshiishavaayukoNeShu jaanudvayagudeShu cha.. 61.. kukshinai R^IrtivahnyaakhyakoNeShveShu nyaset.h punaH. sarvaasiddhipradaadiinaaM shaktiinaaM dashakaM tathaa.. 62.. tadantascha dashaaraadichakraaya nama ityapi. vinyasya tasya koNeShu sarvaGYaadyaaH pravinyaset.h.. 63.. dakshanaasaa sR^ikkiNii chaa stanaM vR^iShaNameva cha. siivinii vaamamuShkaM cha stanaM sR^ikkiNi naasike.. 64.. naasaagraM chaiva viGYeyaM koNaanaaM dashakaM tathaa. tadantaraShTakoNaadichakraaya nama ityapi.. 65.. vinyasya tasya koNeShu vaShinyaadyaShTakam.h nyaset.h. chibukaM kaNThahR^idayanaabhiinaaM chaiva dakshiNam.h.. 66.. GYeyaM paarshvachatuShkaM cha maNipuuraadi vaamakam.h. chatuShThayaM cha paarshvaanaametat.h koNaaShTakaM matam.h.. 67.. hR^idayasthatrikoNasya chaturdikshu bahirnyaset.h. sharachaapau paashasR^iNii trikoNaaya namastathaa.. 68.. vinyasya tasya koNeShu agradakshottareShu cha. kaameshvaryaadideviinaaM madhye deviiM cha vinyaset.h.. 69.. evaM mayodito devi ##!## nyaaso guhyatamakramaH. etad.h guhyatamaM kaaryaM tvayaa vai viiravandite.. 70.. samayasthaaya daatavyaM na.ashiShyaaya kadaachana. guptaad.h guptataraM chaitattavaa.adya prakaTiikR^itam.h.. 71.. muuladevyaadikaM nyaasamaNimaantaM punarnyaset.h. ##(## trikoNasthe mahaabindau mahaatripurasundariim.h ##)##. shirastrikoNapuurvaadi kaameshvaryaadikaM nyaset.h.. 72.. baaNaannetre bhruvoshchaapau karNe paashadvaya.m nyaset. sR^iNidvaya.m cha naasaagre dakshiNaagra.m tu vinyaset.h.. 73.. muNDamuulakrameNaiva nyasedvaagdevataaShTakam.h . baindavaadiini chakraaNi nyastavyaani varaanane.. 74.. netramuule tvapaa~Nge cha karNapuurvottare punaH. chuuDaadikaNThanimne.ardha.m sheShaardha.m karNapR^iShTake.. 75.. karNe puurve tvapaa~Nge cha tasya muule cha vinyaset.h. hR^idaye manukoNastha shaktayo.api cha puurvavat.h.. 76.. sarvasiddhyaaadika.m kaNThe praadakshiNyena vinyaset.h. naabhaavaShTadala.m tattu va.mshe vaame cha paarshvake.. 77.. udare savyapaarshve cha nyasedaadichatuShTayam.h. va.mshavaamaaantaraalaadi nyasedanya chatuShTayam.h.. 78.. svaadhiShThaane nyaset.h svasya puurvaaddakshaavasaanakam.h. chatasrastu chatasrastu chaturdikshu kramaannyaset.h.. 79.. muulaadhaare nyasenmudraadashaka.m saadhakottamaH. punarva.mshe cha savye cha vaame chaivaantaraalake.. 80.. uurdhodho dashamudraashcha uurdhvaadhovarjita.m punaH. brahmaaNyaadyaaShTaka.m dakshajanghaayaa.m taastu puurvavat.h.. 81.. vaamaja~Nghaa.m samaarabhya vaamaadikramato.api cha . siddhyaShTaka.m nyasetteShu dvaya.m paadatale nyaset.h .. 82 .. kaaraNaatprasR^ita.m nyaasa.m diipaaddiipamivoditam.h . eva.m vinyasya deveshii.m svaabhedena vichintayet.h .. 83 .. tatashcha karashuddhyaadinyaasa.m kuryaat.h samaahitaH . aha.m te kathayaamyadya vidyaanyaasa.m shR^inu priye .. 84 .. muurdhni guhye cha hR^idaye netreShu tritayeShu cha . shrotrayoryugale chaiva mukhe cha bhujayostathaa .. 85 .. pR^iShTe jaanvoshcha naabhau cha vidyaanyaasa.m vidhaaya cha . karashuddhi.m punashchaiva aasanaadiShaDa~Ngakam.h .. 86 .. shriikaNThaadiini vaagdeviiraadhaare hR^idaye punaH . shikhaayaa.m baindavasthaane tvagnichakraadikaa nyaset.h .. 87 .. tattvatraya.m samasta.m cha vidyaabijatrayaanvitam.h . paadaadinaabhiparyantamaagala.m shirastathaa .. 88 .. vyaapaka.m chaiva vinyasya svaatmiikR^itya para.m punaH . santarpayet.h punardevii.m saumyaagneyaamR^itadravaiH .. 89 .. eva.m chaturvidho nyaasaH karvavyo viiravandite . ShoDhaanyaaso.aNimaadyashcha muuladevyaadikaH priye .. 90 .. karashuddhyaadikaschaiva saadhakena susiddhaye . praataH kaale tathaa puujaasamaye homakarmaNi .. 91 .. japakaale tathaa teShaa.m viniyogaH pR^ithak.h pR^ithak.h . puujaakaale samasta.m vaa kR^itvaa saadhakapu~NgavaH .. 92 .. ShaTtri.mshatattvaparyantamaasana.m parikalpya cha . guptaadiyoginiinaa.m cha mantreNaa.atha bali.m dadet.h .. 93 .. piN~Daruupapadagranthibhedanaad.h vighnabhedakam.h . guhyahR^inmukhamuurdhasu vidyaanyaasanea sundari .. 94 .. yaagamandiragaa.mshchaiva vighnaanutsaarya mantravit.h . ##(## apasarpantu te bhuutaa ye bhutaa bhuumisa.msthitaaH .. ye bhuutaa vighnakartaaraste nashyantu shivaaGYayaa ##)## paarShNighaatena bhaumaa.mshcha taalena cha nabhogataan.h .. 95 .. astramantreNa vidyaa.mshcha dR^iShTyaa vighaanapohayet.h . dixvadhordhva.m mahaavahnipraakaara.m paribhaavayet.h .. 96 .. saamaanyaardhyeNa deveshi##!## maartaN~Da.m paripuujayet.h . prakaashashaktisahitamaruNaakalpamujjvalam.h .. 97 .. grahaadiparivaara~ncha vishvatejo.avabhaasanam.h . saumyaagneyayutairdevi rochanaaguruku~NkumaiH .. 98 .. muulamuchchaarayan.h samyagbhaavayechchakraraajakam.h . yoginii muulamantreNa xipet.h puShpaa~njali.m tataH .. 99 .. maNimuktaapravaalairvaa viloma.m muulavidyayaa . ashuunya.m sarvadaa kuryaachChuunye vighnaastvanekashaH .. 100 .. shriichakrasyaatmanashchaiva madhye tvarghya.m pratixipet.h . chaturasraantaraalasthakaaNaShaTke sureshvari .. 101 .. ShaDaasanaani sampujya trikoNasyaantare punaH . piiThaani chaturo devi kaapuujaa o iti kramaat.h .. 102 .. archayitvaa.arghyapaade tu vahnerdasha kalaa yajet.h . arghyapaatra.m pratiShThaapya tatra suuryakalaa yajet.h .. 103 .. paatre suuryakalaashchaiva kabhaadidvaadashaarchayet.h . vidhR^ite tu punardravye ShoDashendukalaa yajet.h .. 104 .. amR^iteshii.m cha tanmadhye bhaavayechcha navaatmanaa. navaatmanaa tato devi tarpeyddhaatudevataaH .. 105 .. aanandabhairava.m vauShaDantenaiva cha tarpayet.h . tadaaGYaaprerita.m tachcha guruSha~Nktau nivedayet.h .. 106 .. tathaivaarghya.m visheSheNa saadhayet.h saadhakottamaH . gurupaadaalimaapuujya bhairavaaya dadet.h punaH .. 107 .. tadiiya.m sheShamaadaaya kaamaagnau vishva ##...## sthuShi . paadukaa.m muulavidyaa.m cha japan.h homa.m samaacharet.h .. 108 .. mahaaprakaashe vishvasya sa.mhaaravamanodyate . mariichivR^ittiirjuhuyaanmanasaa kuNDaliimukhe .. 109 .. ahantedantayoraikyamunmanyaa.m sruchi kalpitam.h . mathanodrekasambhuuta.m vasturuupa.m mahaahaviH .. 110 .. hutvaa hutvaa svaya.m chaiva.m mahajaanandavigrahaH . svapradhaaprasaraakaara.m shriichakra.m puujayet.h sudhiiH .. 111 .. gaNesha.m duutarii.m chaiva kshetresha.m duutikaa.m tathaa . baahyadvare yajed.h devi deviishcha svastikaadikaaH .. 112 .. tataschaantastrikoNa.api gurupa~Nkti.m tridhaa sthitaam.h . tadantashcha mahaadevii.m taamaavaahya yajet.h punaH .. 113 .. mahaapadmavanaantasthaa.m kaaraNaanandavigrahaam.h . mada~Nkopaashritaa.m deviimichChaakaamaphalapradaam.h .. 114.. bhavatii.m tvanmayaireva naivedyaadibhirarchayet.h . trikoNe tatsphurattaayaaH pratibimbaakR^itiiH punaH .. 115 .. tattattithimayiirnityaaH kaamyakarmaanusaariNiiH . tatra prakaTayoginyashchakre trailokyamohane .. 116 .. maatR^ikaasthuularuupatvaattvagaadivyaapakatvataH . yoginyaH prakaTaa GYeyaaH sthuulavishvapradhaatmani .. 117.. aNimaadyaa mahaadevi siddhayo.aShTau vyavasthitaaH . taasu raktataraa baNairvaraabhayakaraastathaa .. 118 .. dhR^itachintaamahaaratnaa maniiShitaphalapradaaH . braahmyaadyaa api tatraiva yaShTavyaaH kramataH priye .. 119 .. brahmaaNii piitavarNaa cha chaturbhiH shobhitaa mukhaiH . varadaa.abhayahastaa cha kuNDikaa kshalasatkaraa .. 120 .. maaheshvarii shvetavarNaa trinetraa shuuladhaariNii . kapaalameNa.m parashu.m dadhaanaa paaNibhiH priye .. 121 .. ##[## aindrii tu shyaamavarNaa cha vrajotpalalasatkaraa ##]## kaumaarii piitavarNaa cha shaktitomaradhariNii .. 122 .. varadaabhayahastaa cha dhyaatavyaa parameshvarii . vaiShNavii shyaamavarNaa cha sha~Nkhachakravaraabhayaan.h .. 123 .. hastapadmaistu vibhraaNaa bhuuShitaa divyabhuuShaNaiH . vaaraahii shyaamalachChaayaa potri vaktrasamujjvalaa.. 124 .. hala.m cha musala.m khaDga.m kheTaka.m dadhaatii bhujaiH . ##{## aindrii shyaamalavarNaa cha vajradvayalasatkaraa ##)## .. 125 .. chaamuNDaa kR^iShNavarNaa cha shuula.m Damaruka.m tathaa . khaDga.m vetaalaka.m chaiva dadhaanaa daxiNaiH karaiH .. 126 .. naagakheTakaghaNTaa khyaan.h dadhaanaanyaiH kapaalakam.h . mahaalaxmiistu piitaabhaa padmadarpaNameva cha .. 127 .. maata lu~Ngaphala.m chaiva dadhaana parameshvarii . eva.m dhyaatvaa yajedetaashchakreshii.m tripuraa.m tataH .. 128 .. karmendriyaaNaa.m vaimalyaat.h karashuddhikarii smR^itaa . kaayashuddhibhavaa siddhiraNimaa chaatra sa.msthitaa .. 129 .. ShoDashaspandasandohe chamatkR^itimayoH kalaaH . praaNaadiShoDashaanaa.m tu vayunaa praaNanaatmikaaH .. 130 .. biija bhuutaaH svaraatmatvaat.h kalanaad biijaruupakaaH . antara~Ngatayaa guptaa yoginyaH sa.mvyavasthitaaH .. 131 .. kaamaakarShaNaruupaadyaaH sR^iShTeH praadhaanyataH priye . sarvaashaapuuraNaakhye tu chakre vaamena puujayet.h .. 132 .. paashaa~Nkushadharaa hyetaa raktaa raktaambaraa vR^itaaH . praaNashuddhimayii siddhirlaghimaa bhokturaatmanaH .. 133 .. tripureshii cha chakreshii puujyaa sarvopachaarakaiH . ##(## kaulikaanubhavaaviShTabhogapuryaShTakaashritaaH .. 134 .. vaagbhavaaShTakasambandhasuuxmaa vargasvaruupataH . taastu guptataraaH sarvaaH sarvasa.mxobhaNaatmake .. 135 .. ana~Ngakusumaadyaastu raktaka~nchukashobhitaaH ##)## ##(## veNiikR^ita lasatkeshaashchaapabaaNadharaaH shubhaaH ##) ## .. 136 .. tattadaajaarabuddhyaatmabogyabhokturmaheshituH . piNDaadipadavishraantisaundaryaguNasa.myutaa .. 137 .. chakreshvarii buddhishuddhiruupaa cha parameshvarii . mahimaasiddhiruupaa tu puujyaa sarvopachaarakaiH .. 138 .. dvaadashagranthibhedena samullasitasa.mvidaH . visargaantadashaveshaachChaaktaanubhavapuurvakam.h .. 139 .. unmeShaShaktiprasaraiirichChaashaktipradhaanakaiH . tadevaa.akulasa~NghaTTaruupairvarNachatuShTayaiH .. 140 .. vedyoShmaruupasaavarNairmishrechChaabhaavitairapi . kulashaktisamaavesharuupavarNadvayaanvitaiH .. 141 .. shakteH saaramayatvena prasR^itatvaanmaheshvari . sa,pradaayakramaayaataashchakre saubhaagyadaayake .. 142 .. nirantaraoradhaa ruupasaubhaagya.m kalayogataH . antarthasa.mGYike devi aNimaasadR^ishaa: shubhaaH .. 143 .. sarvasa~NxobhiNiipuurvaa dehaaxaadivishuddhidaaH . iishitvasiddhirapi cha protaruupe puratraye .. 144 .. yogaadikleshabhedena siddhaaa tripuravaasiniii. etaaH sampuujayed devi sarvaaH sarvopachaarakaiH .. 145 .. sadaatanaanaa naadaanaa.m navarandhrasthitaatmanaam.h . mahaasaamaanyaruupeNa vyaavR^ittadhvaniruupiNiii .. 146 .. asthirasthiravedyaanaa.m ChaayaaruupairdashaarNakaiH . kulakaulikayoginyaH sarvsiddhipradaayikaaH .. 147.. shvetaambradharaaH shvetaaH shvetaabharaNabhuuShitaaH . mantraaNaa.m svapradhaaruupayogaadanvarthasa.mGYke .. 148 .. sarvasiddhipradaadyaastu chakre sarvarthasaadhake . lokatrayasamR^iddhiinaa.m hetutvaachchakranaayikaa .. 149 .. tripuraa shriirmaheshaani mantrashuddhibhavaa punaH . vashitvasiddhiraakhyaataa etaaH sarvaaK samarchayet.h .. 150 .. uurdhvaadhomukhayaa devi kuNDalinyaa prakaashitaaH . kulechChayaa bahirbhaavaat.h kaadivarNaprathaamayii .. 151 .. nigarbhayoginiivaachyaaH svaruupaavesharuupake . sarvaaveshakara chakre sarvaraxaakare paraaH .. 152 .. sarvaGYaadyaaH sthitaa etaaH saha pustaakshamaalikaaH . maatR^imaanaprameyaaNaa.m puraaNaa.m paripoShiNii .. 153 .. tripuraamaalinii khyaataa chakreshii tripuramohinii . niruuddhavaayusa~NghaTTasphaTitagranthimuulataH .. 154 .. hR^idayaantarasa.mvittishuunyaparyaShTakaatmanaa . biijaruupasvarakalaaspR^iShTavargaanusaarataH .. 155 .. rahsyayoginiirdeviiH sa.msaaradalanojjvale . sarvarogahare chakre sa.msthitaa viiravandite .. 156 .. vashinyaadyaa raktavarNaa varadaabhayamudritaaH . pustaka.m japamaalaa.m cha dadhaanaaH siddhayoginiiH .. 157 .. shuddhividyaavishuddhi.m cha bhuktisiddhi.m maheshvari . iishvarii.m tripuraa.m siddhaa.m puujayed bindutarpaNaiH .. 158 .. shaktitrayaatmikaa devi chiddhaamaprasaraaH punaaH . sa.mvartaagnikalaaruupaaH paramaatirahasyakaaH .. 159 .. puurNaapurNasvaruupaayaaH siddherhetuH sureshvari . sarvaasiddhimayaakhye tu chakre tvaayudhabhuuShitaaH .. 160 .. sthitaaH kaameshvariipuurvaashchatastraH piiThadevataaH . aayudhaastvatiraktaabhaaH svaayudhojjvalamastakaaH .. 161 .. varadaabhayahastaashccha puujyaa vrataphalapradaa:H . tvadiiyaashcha madiiyaashcha pu.mstrivashyavidhaayinaH .. 162 .. tvagasR^i~Nmaa.msamedosthishuk.hlaanaa.m cha maheshvari . dvitiiyasvarasa.myuktaa ete baaNaastvadiiyakaaH .. 163 .. vaamaadiinaa.m puraaNaa.m tu jananii tripurmbikaa . parasvaatantryaruupatvaadichChaasiddhirmaheshvari .. 164 .. etaaH sarvopachaareNa puujayettu varaanane . sarvaanandamaye devi parabrahmaatmake pare .. 165 .. chakre sa.mvittiruupaa cha mahaatripurasundarii . svairaachaareNa sampuujyaa tvahantedantayoH sama .. 166 .. mahaakaamakalaaruupaa piiThavidyaadisiddhidaa . mahaamudraamayii devi puujyaa pa~nchadashaatmikaa .. 167 .. tattattithimayii nityaa navamii bhairavii paraa . pratichakra.m samudraastu chakrasa~NketachoditaaH .. 168 .. nityaklinnnaadikaashchaiva kaamyakarmaanusaarataH . chaturasraantaraale vaa trikoNe vaa yajet.h sudhiiH .. 169 .. alinaa pishitairgandhairdhuupairaaraadhya devataaH . chakrapuujaa.m vidhaaettha.m kuladiipa.m nivedayet.h .. 170 .. antarbahirbhaasamaana.m svaprakaashojjvala.m priye . puShpaa~njali.m tataH kR^itvaa japa.m kuryaat.h samaahitaH .. 171 .. kuuTatraye mahaadevi kuNDaliitritaye.api cha . chakraaNaa.m puurvapuurveShaa.m naadaruupeNa yojitaam.h .. 172 .. teShu praaNaagnimaayaarNakalaabindvardhachandrikaaH . rodhiniinaadanaadaantaaH shaktivyaapikalaanvitaaH .. 173 .. samanaa chonmanaa cheti dvaadashante sthitaaH priye . muulakuNDaliniiruupe madhyame cha tataH punaH .. 174 .. sR^iShTyunmukhe cha vishvasya sthitiruupe maheshvari . kevala.m naadaruupeNa uttarottarayojitam.h .. 175 .. shabalaakaarake devi tR^itiiye dvaadashii kalaa . shuunyaShaTka.m tathaa devi hyavasthaapa~nchaka.m punaH .. 176 .. viShuva.m saptaruupa.m cha bhaavayan.h manasaa japet.h . agnyaadidvaadashaanteShu trii.mstriin.h tyaktvaa varaanane .. 177 .. shuunyatraya.m vijaaniiyaadekaikaantarataH priye . ##(## shunyatrayaat.h pare sthaane mahaashuunya.m vibhaavayet.h ##)## prabodha karaNasyaa.atha jaagaratvena bhaavanam.h .. 178 .. vahnau devi mahaajaagradavasthaa tvindriyadvayaiH . aantaraiH karaNaireva svapnamaayaavabodhakaH .. 179 .. galadeshe suShuptistu liinapuurvasya vedanam.h . antaHkaraNavR^iottiinaa.m layato viShayasya tu .. 180 .. puurvaarNaanaa.m vilomena bhruumadhye bindusa.msthitaa . turyaruupa.m tathaa chaatra vR^ittaardhaadestu sa~NgrahaH .. 181 .. chaitanyavyaktihetostu naadaruupasya vedanam.h . turyaatiita.m sukhasthaana.m naadaantaadisthita.m priye .. 182 .. atraiva japakaale tu pa~nchaavasthaaH smared budhaH . yogaH praaNaatmamanasaa.m viShuva.m praaNasa.mGYitam.h .. 183 .. aadhaaritthitanaade tu liina.m buddhyaatmaruupakam.h . sa.myogena viyogena mantraarNaanaa.m maheshvari .. 184 .. anahataadyaadhaaraanta.m naadaatmatvavichintanam.h . naadasa.msparshanaattasya naaDiiviShuvamuchyate .. 185 .. dvaadashagranthibhedena varNaanaamantare priye . naadayogaH prashaanta.m tu prashaantendriyagocharam.h .. 186 .. vahni.m maayaa.m kalaa.m chaiva chetanaamardhachandrakam.h . rodhiniinaadanaadaantaan.h shaktau liinaan.h vibhaavayet.h .. 187 .. viShuva.m shaktisa.mGY.m tu tadurdhva.m naadachintanam.h . tadurdhva.m kaalaviShuvamunmanaanta.m maheshvari .. 188 .. munichandraa.aSTadashabhistruTibhirnaadavedanam.h . chaitanyavyaktihetushcha viShuva.m tattvasa.mGYitam.h .. 189 .. para.m sthaana.m mahaadevi nisargaanandasundaram.h . eva.m chitayamaanasya japakaaleShu paarvati .. 190 .. siddhayaH sakalaastuurNaa.m siddhyanti tvatprasaadataH . eva.m kR^itvaa japa.m devyaa vaamahaste nivedayet.h .. 191 .. anaamaa~NguShThayogena tarpayechchakradevataaH . madya.m maa.msa.m tathaa matsya.m devyaastu vinivedayet.h .. 192 .. kaulaachaarasamaayuktairvirairstu saha puujayet.h . puShyabhena tu vaare cha saure cha parameshvari .. 193 .. gurordine svanakshatre chaturdashyaShTamiiShu cha . chakrapuujaa.m visheSheNa yoginiinaa.m samaacharet.h .. 194 .. chatuHShaShTiyutaaH koTyo yoginiinaa.m mahaujasaam.h . chakrametat.h samaashritya sa.msthitaa viiravandite .. 195 .. aShTaaShTaka.m tu kartavya.m vittashaaThyavivarjitam.h . tvameva taasaa.m ruupeNa kriiDase vishvamohinii .. 196 .. aGYaatva tu kulaachaaramayaShTvaa gurupaadukaam.h . yo.asmin.h shaastre prvarteta ta.m tva.m piiDayasi dhruvam.h .. 197 .. eva.m GYaatvaa varaarohe kaulaachaaraparaH sadaa . aavayoH shabalaakaara.m madya.m tatra nivedya cha .. 198 .. tvatpradhaa prasaraakaaraastvaameva paribhaavayet.h . vaamichChaavigrahaa.m devii.m gururuupaa.m vibhaavayet.h .. 199 .. tvanmayasya guroH sheSha.m nivedyaatmani yojayet.h . yoginiinaa.m mahaadevi baTukaayaatmaruupiNe .. 200 .. xetraaNaa.m pataye madya.m bali.m kurvita hetunaa . nitya.m piban.h vaman.h khaadan.h svechChaachaaraparaH svayam.h .. 201 .. ahantedantayoraukya.m bhaavayan.h viharet.h sukham.h . etatte kathita.m sarva.m sa~Nketatrayamuttamam.h .. 202 .. gopaniiya.m prayatnena svaguhyamiva suvrate . chumbake GYaanalubdhe cha na prakaashya.m tvayaanaghe .. 203 .. anyaayena na daatavya.m naastikaanaa.m maheshvari . eva.m tvayaa.ahamaaGYapto madichChaaruupayaa prabho .. 204 .. aGYaanena tu yo dadyaat.h sa pareto bhaviShyati . sa~Nketa.m yo vijaanaati yoginiinaa.m bhavetpriyaH .. 205 .. sarvepsitaphalaavaaptiH sarvakaamaphalaashrayaH . yato.api dR^ishyate devi katha.m vidvaanna chintayet.h .. 206 ..