OM
shriigurave namaH . OM namaH paramadevataayai ..
shriikarpuuraadistotram.h
karpuuraM madhamaantyasvaraparirahitaM senduvaamaakshiyuktaM biijaM te maataretattripuraharavadhu triHkR^itaM ye japanti .
teShaaM gadyaani padyaani cha mukuhuharaadullasantyeva vaachaH svachChandaM dhvaantadhaaraadharuruchiruchire sarvasiddhiM gataanaam.h.. 1..
iishaana.h senduvaamashravaNaparigato biijamanyanmaheshi dvandvaM te mandachetaa yadi japati jano vaaruumekaM kadaachit.h .
jitvaa vaachaamadhiishaM dhanamapi chiraM mohayannambujaakshiivR^indaM
chandraardhachuuDe prabhavati sa mahaaghorabaalaavataMse.. 2..
iisho vaishvaanarasthaH shashadharavilasad.h vaamanetreNa yukto biijaM te dvandvamanyad.h vigalitachikure kaalike ye japanti .
dveShTaaraM ghnanti te cha tribhuvanamapi te vashyabhaavaM nayanti sR^ikkadvandaasradhaaraadvayadharavadane dakshiNe tryakshareti.. 3..
uurdhve vaame kR^ipaaNaM karakamalatale ChinnamuNDaM tathaadhaH savye chaabhiirvaraM cha trijagadaghahare dakshiNe kaalike cha .
japtvaitannaama ye vaa tava manuvibhavaM bhaavayantyetadamba teShaamaShTau karasthaa: prakaTitaradane  siddhayastryambakasya.. 4..
vargaadyaM vahnisaMsthaM vidhuratilalitaM tattrayaM kuurchayugmaM lajjaadvandvaM cha pashchaat.h smitamukhi tadadhaShThadvayaM yojayitvaa .
maatarye ye japanti smaraharamahile bhaavayantaH svaruupaM te lakshmiilaasyaliilaakamaladaladR^ishaH kaamaruupaa bhavanti.. 5..
pratyekaM vaa dvayaM vaa trayamapi cha paraM biijamatyantaguhyaM tvannaamnaa yojayitvaa sakalamapi sadaa bhaavayanto japanti .
teShaaM netraaravinde viharati kamalaa vaktrashubhraaMshubimbe vaagdevii devi muNDastragatishayalasatkaNThi piinastanaaDhye.. 6..
gataasuunaa.m baahuprakarakR^itaka~nchiiparilasannitambaa.m digvastraa.m tribhuvanavidhaatrii.m triNayanaa.m .
shmashaanaste talpe shavahR^idi mahaakaalasurataprayuktaa.m tvaa.m dhyaayan.h janani jaDachetaa api kaviH .. 7..
shivaabhirghoraabhiH shavanivahamuNDaasthikaraiH para.m sa.mkiirNaayaa.m prakaTitachitaayaa.m haravadhuum.h .praviShTaa.m .
sa.mtuShTaamuparisuratenaatiyuvatii.m sadaa tvaa.m dhyaayanti kvachidapi cha na teShaa.m paribhavaH .. 8..
vadaamaste ki.m vaa janani vayamuchchairjaDadhiyo na dhaataa naapiisho harirapi na te vetti paramam.h .
tathaapi tvadbhaktirmukharayati chaasmaakamamite tadetatxantavya.m na khalu pashuroShaH samuchitaH .. 9..
samantaadaapiinastanajaghanadhR^ighauvanavatiirataasakto nakta.m yadi japati bhaktastava manum.h .
vivaasaastvaa.m dhyaayan.h galitachikurastasya vashagaaH samastaaH siddhaughaa bhuvi chiratara.m jiivati kaviH .. 10..
samaaH susthiibhuuto japati vipariitaa.m yadi sadaa vichintya tvaa.m dhyaayannatishayamahaakaalasurataam.h .
tadaa tasya xoNiitalaviharamaaNasya viduShaH karaambhoje vashyaa purahasvadhuu siddhinivahaaH .. 11..
prasuute sa.msaara.m janani bhavatii paalayati cha samasta.m xityaadi pralayasamaye sa.mharati cha .
atastva.m dhaataasi tribhuvanapatiH shriipatirapi mahesho.api praayaH sakalamapi ki.m staumi bhavatiim.h .. 12..
aneke sevante bhavadadhikagiivaarNanivahaan.h vimuuDhaaste maataH kimapi na hi jaananti paramam.h .
samaaraadhyaamaadyaa.m hariharaviri~nchaadivibudhaiH prapanno.asmi svaira.m ratirasasamahaanandanirataam.h .. 13..
dharatri kiilaala.m shuchirapi samiiro.api gagana.m tvamekaa kalyaaNii girisharamaNii kaali sakalam.h .
prasannaa.m tva.m bhuuyaa bhavamanu na bhuuyaanmama januH .. 14..
shmashaanasthaH sustho galitachikuro dikpaTadharaH sahasra.m tvakaarNaa.m nijagalitaviiryeNa kusumam.h  .
japa.mstvatprayeka.m manumapi tava dhyaananirato mahaakaali svaira.m sa bhavati dharitriiparivR^iDhaH .. 15..
gR^ihe sa.mmaarjyanyaa parigalitavirya.m hi chikura.m samuula.m madhyaahne vitarati chitaayaa.m kujadine .
samuchchaarya prameNaa manumapi sakR^itkaali satata.m gajaaruuDho yaati xitiparivR^iDhaH satkavivaraH .. 16..
svapuShpairaakiirNa.m kusumadhanuSho mandiramaho puro dhyaayandhyaayan.h yadi japati bhaktastava manum.h .
sa gandharvashreNiipatirapi kavitvaamR^itanadiinadiinaH paryante paramapadaliinaH prabhavati .. 17..
tripa~nchaare piiThe shavashivahR^idi smeravadanaa.m mahaakaalenochchairmadanarasalaavaNyanirataam.h .
samaasakto nakta.m svayamapi rataanandanirato jano yo dhyaayettvaamayi janani sa syaat.h smaraharaH .. 18..
salomaasthi svaira.m palalamapi maarjaaramasite para.m choShTtra.m maisha.m naramahiShayoshChaagamapi vaa .
balim.h te puujaayaamayi vitarataa.m martyavasataa.m sataa.m siddhiH sarvaa pratipadamapuurvaa prabhavati .. 19..
vashii laxa.m mantra.m prajapati haviShyaashanarato divaa maataryuShmachcharaNayugaladhyaananipuNaH .
para.m nakta.m nagno nidhuvanavinodena cha manu.m japellaxa.m sa syaat.h smaraharasamaanaH xititale .. 20..
ida.m stotra.m maatastava manusamuddhaaraNajanuH svaruupaakhya.m paadaambujayugalapuujaavidhiyutam.h .
nishaardha.m vaa puujaasamayamadhi vaa yastu paThati pralaapastasyaapi prasarati kavitvaamR^itarasaH .. 21..
kura~NgaaxiivR^inda.m tamanusarati prematarala.m vashastasya xoNiipatirapi kuberapratinidhiH .
ripuH kaaraagaara.m kalayati cha ta.m kelikalayaa chira.m jiivanmuktaH prabhavati sa bhaktaH pratijanuH .. 22..

iti shriimanmahaakaalivirachita.m shriimaddaxiNakaalikaayaaH svaruupaakhya.m stotra.m samaaptam.h